DFK e shqetësuar me neglizhencën e komunës ndaj kërkesava të banorëve të Orllanit

Rrjeti i OJQ-ve lokale në Podujevë, “Demokracia Fillon Këtu” e  shqetësuar thellë me neglizhencën e treguar nga pushteti komunal i Podujevës dhe mos gatishmërinë për të trajtuar me prioritet këtë kërkesë tani e 18 vite nga përfundimi i luftës, transmeton PodujevaPRESS.

Protesta e sotme e paralajmruar nga banorët e fshatit Orllan ka marr përkrahjen edhe të organizatave të ndryshme joqeveritare në nivel lokal.

PodujevaPRESS ka shkruar sot me 17 mars duke filluar nga ora 13:00 banorët e fshatit Orllan të Podujevës do të protestojnë përshkak të mungesë së ujit të pijshëm.

Lexo po ashtu: Protesta e banorëve të fshatit Orllan të Podujevës (VIDEO/FOTO)

Rrejti i OJQ-ve Lokale “Demokracia Fillon Këtu”, ka lëshuar një komunikat përmes së cilës mbështetë kerkesat elementare për jetë të banorëve të kësaj ane.

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

Kjo është komunikata e plotë:

“Në emër të rrjetit të OJQ-ve lokale, mbështesim dhe përkrahim protestën paqësore të planifikuar për sot nga banoret e Orllanit, komuna e Podujevës me kërkesë legjitime sigurimin e ujit të pijes si e drejt elementare për jetë .

Si rrjet i Organizatave Joqeveritare Demokracia Fillon Këtu , mbështesim çdo nismë që trajton problemet e qytetarëve dhe që nuk ka prapavijë politike, gjithashtu iu bëjmë thirrje të gjitha subjekteve politike që në asnjë formë të mos mundohen që kërkesat legjitime të qytetarëve ti politizojnë për përfitime politike ditore.

Komuna e Podujevës, duhet që me prioritet maksimal të trajtoj këtë problematik dhe të mos lejoj shpërnguljen e banoreve nga zonat kufitare për shkak të kushteve elementare për jetesë.

Ne gjithashtu iu bëjmë thirrje banorëve te jenë me te zëshëm dhe me te organizuar në mbështetje të kësaj nisme, pasi edhe ata janë përgjegjës për te mbështetur nismat nga shoqëria civile që kanë për qëllim zgjidhjen e problemeve duke nxitur debat dhe duke dhënë alternativa.”