Vdes mamia llapjane Sanije Topanica, iu ndihmoi grave në lindje gjatë luftës
Detaje të reja rreth largimit të Angela Merkel nga CDU
Kancelarja gjermane, Angela Merkel, ka njoftuar se do të heqë dorë nga posti drejtues i partisë Bashkimi Kristian Demokrat (CDU) pas 18 vjetësh në këtë detyrë.
Merkel ka treguar para zyrtarëve se ajo nuk synon që të kandidojë për pozitën e drejtueses në zgjedhjet e brendshme të partisë që pritet të zhvillohen gjatë muajit dhjetor.
Por ajo e ka theksuar se dëshiron të vazhdojë punën si kancelare e Gjermanisë, detyrë që është duke ushtruar që nga viti 2005, shkruan CNN.
Ky njoftim shfaq fuqinë e dobësuar të Merkelit brenda partisë që ajo e udhëheq si dhe shfaq dobësimin e popullaritetit të saj në vend.
Të dyja partitë e koalicionit qeverisës, CDU dhe SPD, kanë pësuar humbje të mëdha gjatë zgjedhjeve rajonale që u zhvilluan së fundmi.
Merkel ka pranuar se votuesit kishin humbur besimin në qeveri dhe se ishte detyra e saj për ta rikthyer besimin e qytetarëve.
“Unë do të punoj në atë drejtim me aq sa kam forcë”, ka thënë Merkël.
Që të dyja partive të koalicionit qeverisës u është dobësuar mbështetja popullore që nga kriza e refugjatëve e vitit 2015. Këto parti janë kritikuar ashpër nga opinioni publik gjerman për keq menaxhim të fluksit të refugjatëve. /klankosova/
