Dështimi i Demarkacionit provokon zgjedhje

Dështimi eventual i ratifikimi të Marrëveshjes për Shënjimin e Kufirit me Malin e Zi në Kuvendin e Kosovës në ditët në vijim do të provokojë zgjedhje të reja të parakohshme. Kështu ka thënë në një intervistë dhënë “Zërit” analisti Driton Selmanaj.

Sipas tij, zërat për një “alternativë tjetër” do të rriteshin jo vetëm në opozitë por edhe në mesin e partive në pushtet. Ndërkohë, duke folur rreth mundësisë së kalimit të kësaj Marrëveshjeje në Kuvend, Selamanaj ka thënë se LDK-ja e PDK-ja duhet ta bindin partnerin e tyre qeverisës, Listën Serbe, që të rikthehet në votim.

Ndryshe, ai thotë se vetëm një “pazar i ri” me Malin e Zi do të mund ta dërgonte Marrëveshjen në Arbitrash. Krejt në fund Selmanaj ka folur edhe për funksionalizimin e Gjykatës Speciale. Ai ka thënë se sipas të gjitha parametrave i ulur në bankën e të akuzuarve do të jetë edhe vetë presidenti Thaçi.