Deputeti i VV-së: Në metshim në dorë të LDK-së, Ramushit do t’i zgjatë mandati 4 vjet

Deputeti i ri i Kuvendit të Kosovës nga radhët e Lëvizjes Vetëvendosje Eman Rrahmani, ka reaguar lidhur me mos gatishmerinë e partisë së tij dhe LDK-së për arritjen e marrëveshjes për bashkëqeverisje.

Rrahmani, në formë ironie ka thënë se do t’i zgjasë 4 vjet mandati Kryeministrit në detyrë Ramush Haradinaj, deri sa të formohet qeveria e re nga koalicioni VV-LDK.

“Në metshim në dorë të LDK-së, deri sa të arrihet marrveshja don me i zgjatë mandati 4 vjeçar Ramushit”, tha ai, në një status të publikuar në profilin e tij zyrtar në “Facebook”.

Ndryshe, edhe takimi i sontëm ndërmjet liderëve Albin Kurti e Isa Mustafa, përfundoj pa një marrëveshje konkrete.