Deputeti i LDK-së i del në mbrojtje Vjosa Osmanit: Skënder Hysenit i dështoi plani për koalicion me PDK-në

Deputeti i LDK-së, Haxhi Avdyli ka akuzuar bashkë partiakun e tij Skënder Hysenin se po vuan nga histeria.

Skënder Hyseni nuk e konsideroi të mirë veprimin e Vjosa Osmanit për zhvendosjen e fotografisë së Presidentit të Kosovës e madje tha se ai veprim nuk sjell vlera përkundrazi është kundër vlerave.

Ndësra deputeti i LDK-së, Avdyli i ka dalë në mbrojtje Vjosa Osmanit duke akuzuar se edhe Skënder Hysenin e paska prek histeria e zhvendosjes së asaj fotografie.

“Histeria nuk është virus, por si duket histeria e zhvendosjes së fotografisë së Presidentit Thaqi e paska prek edhe Skenderin tonë të LDK-së. I fundit që do duhej sot të ishte me pezm pse fotografia e Presidentit historik Rugova qëndron përballë atij të Presidentit aktual Thaqi do duhej të ishte Skenderi, por ja edhe kjo na ndodhi.”, shkruan ai.

Madje Avdyli thotë se kjo po ndodhë për shkak se ka dështuar projekti i Hysenit për koalicion LDK-PDK.

“Nuk është e lehtë për PDK-në që pas shumë vite në pushtet të mbesin në opozitë, por të kishte kaq i pezmatuar edhe përkthyesi i Presidentit Rugova duket shumë e pakuptimtë. Apo ndoshta edhe për Skenderin nuk është lehtë që projekti i tij dytë për koalicion LDK-PDK dështoi keq me 02.02.2020. Kohët kanë ndryshuar, edhe politikanët vijnë e shkojnë, por më të këqinjtë mbesin ata që skanë respekt për dorën që e ushqeu.

E Presidenti Rugova fatkeqësisht ushqeu edhe ndonjë mosmirënjohës si puna e Skenderit tonë të LDK-së”, shkruan Abdyli në facebook./Gazeta inFokus/