Denoncim i mjekut në Podujevë: Aparatin për fotografimin e dhëmbëve (x-ray dental) e gjetëm të paketuar në depon e QKMF-së, dikush e kishte fshehur

Mjeku llapjan Bajram Bajgora i cili tani është pjesë e menagjmentit të QKMF-së në Podujevë ka disa jave që po i publikon aparaturat të cilat qëndronin në depo e nuk vendosen në shërbim të qytetarëve, njofton PodujevaPRESS.net

Njëra prej tyre është edhe aparati për fotografimin e dhëmbëve të cilin siç thot doktor Bajgora ishte i ri dhe kishte mbi 5 vite që ishte blerë por qëndronte i fshehur në depo.

Ky është postimi i tij:

Ky është aparat për fotografim të dhëmbëve(x-ray dental), nuk e blemë e gjetëm të paketuar në depo është i ri,e montuem pa para,por i mungon një pjesë ndihmëse-senzor të cilin e kemi porositur jashtë shteti dhe besoj qështje jave kur fotografimi i dhëmbëve do të bëhet këtu.Jam interesuar shumë të di kur ka ardhë,kush e ka pru,është blerë apo është donacion,a ka ardhë me senzor dhe ky është tjetërsue dhe shumë pyetje tjera në të cilat nuk mora përgjigje deri sot..Por një është e sigurtë ka mbi 5 vite që qëndron i paketuar në depo.