Vdes mamia llapjane Sanije Topanica, iu ndihmoi grave në lindje gjatë luftës
Dënohet i riu që vari flamurin e ISIS-it në lagjen Kodra e Trimave
Dënimi me burg ndaj 19-vjeçarit, me vendim të gjykatës, u kthye në punë në dobi të përgjithshme prej 180 orësh.
Kur doli sot para gjykatës, Q.M. e pranoi fajësinë për veprën me të cilën akuzohej nga Prokuroria Speciale por u arsyetua se “nuk e ka ditur” i kujt është ai flamur.
Ai shprehu pendesë të thellë për aktin e kryer më 14 shtator 2016 në rrugën “Xhavit Haziri” në Kodrën e Trimave në Prishtinë, duke thënë se nuk ka qenë në dijeni për peshën e veprës së kryer.
Q.M. akuzohej për bashkim apo pjesëmarrje në ushtrinë apo policinë e huaj me formacionet e jashtme paraushtarake ose parapolicore, akuzë e dënueshme sipas Ligjit për parandalimin e bashkimit në konfliktet e armatosura jashtë Kosovës.
Pjesë e aktakuzës janë edhe dy të mitur të tjerë ndaj të cilëve do të udhëhiqet procedurë e veçantë për të mitur. /kallxo.com/
