Delegacioni nga Komuna e Podujevës marrin pjesë në forumin ekonomik të “Ditës së Eksportit” në Austri

Delegacioni nga Komuna e Podujevës që po qëndrojnë për vizitë zyrtare në Austri, dje kanë marrë pjesë në forumin ekonomik “Dita e Eksportit” në Austrinë e Epërme, ku organizatore e kësaj ngjarje ishte oda ekonomike austriake.

Në këtë ngjarje kryetari i Komunës, Shpejtim Bulliqi, ka prezantuar Zonën Industriale të Podujevës, e cila së shpejti do të ndërtohet si infrastrukturë për bizneset e mëdha që të zhvillojnë veprimtaritë e tyre.

Në fjalën para të pranishmëve kryetari Bulliqi ka folur për potencialin, mundësitë e përparësitë që do t’i ofrojë Komuna e Podujevës për investitorët e jashtëm, të cilët edhe i ka ftuar të investojnë në Podujevë.

Në këtë ngjarje të rëndësishme kryetari Bulliqi dhe drejtorët komunal, Osmani, Rudari e Salihu kanë zhvilluar takime me zyrtarë të lartë shtetëror e përfaqësues të ndërmarrjeve të suksesshme austriake.

Ndër të tjera janë takuar me kryetaren e odës së Austrisë së Epërme, znj. Doris Hummer, përfaqësuesin për politikë të jashtme ekonomike z. Florian Zeppetzauer, si dhe me përfaqësuesin ekonomik për Kosovë z. Wilhelm Nest.