Vdes mamia llapjane Sanije Topanica, iu ndihmoi grave në lindje gjatë luftës
Daut Haradinaj: Teuta Rugova e guximshme si babai i saj
Teuta Rugova po tregohet e guximshme dhe po bënë atë që bëri babai i saj, 13 vite më parë. Kështu ka vlerësuar deputeti i AAK’së Daut Haradinaj, në një reagim të tij në facebook.
Ai thotë se veprimet e deputetes më të re nga mosha të Kuvendit të Kosovës meritojnë respekt.
“Jam i befasuar me qëllimet e disa mediave që ta komprometojnë një të vërtetë të mbështetjes që Familja Rugova i ka dhënë Ramushit për kryeministër, duke implikuar lloj lloj emrash në teoritë konspiratve të tyre. Unë mund t’iu them se unë e filanat e fisteket qe jane zene ngoje, këtë gjë e kemi marrë vesh nga mediat. Kaq kemi qenë të përzier në këtë proces. Po “rrena e marrja, hala nuk e ka qelë varrë kërkend në këtë vend”!”, shkruan Haradinaj në facebook.
“Veç vazhdoni se një ditë do të turpëroheni nga fjalët e rrenat tuaja, sepse unë kam punë me të mençur, se sa të merrem me denoncimin e shpifjeve të flliqta që bëni”, thotë ai tutje.
“Respekt te pa fund per guximin e Teutes qe e beri te njejten veprim siç beri baba i saj para 13 vitesh”, shkruan vëllai deputet i kandidatit të PAN’it për kryeministër Ramush Haradianj.
Ky reagim i Daut Haradinajt vjen pasi në media është raportuar se edhe ish-shefi i grupit parlamentar të PDK’së, Adem Grabovci ka qenë i përfshirë si sekser në mundësimin e votës së Teuta Rugovës në Kuvend, pro kreut të AAK’së për kryeministër. /GazetaExpress/.
