Dashuria, puna dhe paratë – këto janë shenjat më me fat

Dashi

Marsi do sjellë edhe më shumë gjallëri tek jeta juaj gjatë kësaj dite. Do jeni më të zjarrtë dhe do vendosni çdo gjë në vijë. Për ju të dashuruarit priten momente harmonike. Çdo gjë do shkojë më së miri dhe nuk do keni aspak debate me njëri-tjetrin. Ju beqarët nga ana tjetër do jeni më të privilegjuarit. Do keni më tepër besim tek vetja dhe nuk do ngurroni të merrni vendime me rëndësi. Në punë, një mik i vjetër do ju japë mbështetje të madhe për përparimin tuaj. Mund t’iu propozohen edhe detyra interesante që nuk duhet t’i refuzoni sado të ngarkuar të jeni. Financat më në fund do jenë më qëndrueshme dhe ju do ndiheni më të qetë për këtë fakt.

Demi

Sado që të mundoheni ta ndryshoni jetën tuaj sot, asgjë nuk do ju ecë si duhet. Nuk do kaloni momente te animuara dhe mërzita do mbizotërojë shumicën e kohës. Për ju të dashuruarit do ketë mungesë komunikimi, tension dhe konflikte. Dita nuk do jetë aspak e mirë kështu që bëni kujdes maksimal. Do jetë akoma më mirë të qëndronit pak larg njëri-tjetrit dhe të reflektonit me kujdes. Nëse jeni beqarë nuk do keni takimet që keni pritur, por kjo nuk do të thotë që të bini në dëshpërim. Në punë duhet të përgatiteni për kundërshtime të shumta, por nuk duhet të humbisni logjikën. Në planin financiar vazhdoni të tregoheni të matur me shpenzimet.

Binjakët

Hëna do ju inkurajojë të bëni të gjitha përpjekjet e mundshme për të krijuar një ambient sa më të ngrohtë në familje dhe për të zgjidhur mosmarrëveshjet që ju kanë dalë kohët e fundit. Ju të dashuruarit do i zgjidhni mosmarrëveshjet që keni në çift dhe do ndiheni më të qetë. Në disa momente mund të mendoni të bëni edhe diçka ndryshe për të rikthyer pasionin. Ju beqarët nuk duhet të ëndërroni gjëra të pamundura dhe duhet të tregohen më realistë. Në punë nuk do i bëni gjërat si duhet dhe nuk do keni durim. Jupiteri do iu sjellë fat në planin financiar, megjithatë nuk duhet të nxitoni të bëni shpenzime të pamenduara sepse gjendja mund të rrënohet sa hap e mbyll sytë.

Gaforrja

Do keni kundërshtime të shumta gjatë kësaj dite dhe kjo gjë do ju bëjë të ndiheni ndonjëherë keq. Mos e lëshoni veten sepse në një moment apo në një tjetër Hëna do ua zgjidh hallet. Falë mjedisit të ngrohte yjor, për ju që keni një lidhje çdo gjë do shkojë më së miri. Nëse keni kohë që jeni bashkë mund të mendoni t’i çoni gjërat më tej dhe do ndiheni të përmbushur. Ju beqarët do keni mundësi të filloni veçse histori dashurie pasionante, por afatshkurtra. Bëni atë që do ju thotë zemra. Situata profesionale do jetë e qëndrueshme. Saturni do ju bëjë më kompetentë dhe nuk do dini çfarë hapash të hidhni përherë. Sektori i financave nuk do ndikohet aspak nga planetët. Gjithçka do jetë në dorën tuaj prandaj bëni kujdes.

Luani

Sot do jeni shumë optimistë dhe do jeni në gjendje të hidhni hapat e duhura për të arritur atje ku dëshironi. Ju që jeni në një lidhje do i sqaroni të gjitha keqkuptimet që keni pasur me partnerin dhe do ndiheni më të qetë. Pak nga pak edhe bashkëpunimi do përforcohet. Ju beqarët do jeni sensuale dhe shamante. Mos i refuzoni personat që do iu vijnë pranë sepse disa prej tyre do ia vlejnë vërtet. Në punë do iu jepet një funksion i ri që do kërkojë akoma më shumë përgjegjësi. Nëse iu propozohet një post, as mos pranoni menjëherë, por as mos refuzoni pa qenë të qartë. Në planin financiar rekomandohet më tepër maturi. Studiojeni mire terrenin para se të bëni shpenzime.

Virgjëresha

Gjatë kësaj dite do ju duhet më shumë kohë për reflektim që të hidhni hapat e duhura. Mos u nxitoni, por duroni e do fitoni. Ju të dashuruarit, edhe pse do keni disa mosmarrëveshje me partnerin tuaj, nuk duhet absolutisht të alarmoheni. Çdo gjë mund të zgjidhet nëse të dy e dëshironi këtë dhe nëse vërtet ndjenjat janë të forta. Jeta sentimentale do jetë në qendër të vëmendjes për ju beqarët. Pas një periudhe plot aventura do vijë dashuria e madhe. Në punë duhet të planifikoni para se të veproni. Po ndoqët strategji të mira mund të arrini edhe më shpejt atje ku keni menduar. Mos shpenzoni shumë dhe kujdes me faturat telefonike sepse financat do jenë delikate.

Peshorja

Gjatë kësaj dite nuk do bëni përpjekjet e duhura për të kaluar të gjitha sfidat që do iu dalin. Në fakt po nuk u munduat fetë mos prisni që të tjerët të luftojnë për ju. Ju të dashuruarve do iu mungojë realizmi gjithë kohës. Do t’i kërkoni partneri gjëra që ai nuk mund t’i arrijë dhe do mërziteni të dyja palët. Mos e teproni me kërkesat nëse nuk doni që ai të lodhet me ju. Ditë konfuze për ju beqarët. Herë do dëshironi të krijoni një lidhje dhe herë do stepeni. Qartësohuni njëherë me veten. Në punë do kërkoni me ngulm të bashkëpunoni me një koleg që e mendoni të aftë, por planetët nuk do i keni në krah. Gjërat për ju do jenë goxha të vështira në këtë fushë. Financat nuk do jenë shumë të këqija, por duhet të ruani ekuilibrin.

Akrepi

Nën ndikimin e madh të planetëve ju do keni më shumë nevojë të lëvizni e të bëni gjithçka ndryshe. Krijoni një program e më pas veproni. Nëse jeni në një lidhje nuk do ndiheni shumë mirë pranë atij që doni. Kohet e fundit ai nuk iu ka trajtuar ashtu si ju e meritoni dhe kjo iu ka mërzitur pa masë. Flisni me të pa dorashka sepse mbase ai ka pasur një arsye për atë sjellje. Ju beqarëve do iu ndryshojë shpesh humori dhe nuk do jeni gati për një dashuri. Në punë nuk do keni shumë mundësi zgjedhjeje, por nuk duhet të ndaloni për asnjë çast së bëri përpjekje. Financat do fillojnë të përmirësohen dalëngadalë.

Shigjetari

Do jeni në humor të shkëlqyer gjatë gjithë kësaj dite dhe as moti jo i mirë nuk do ju trishtojë. Marsi do ju bëjë edhe më dinamikë dhe plot ide fantastike. Entuziazmi do iu pushtojë sot juve qe jeni ne një lidhje. Do e dëgjoni partnerin për gjithçka qe do iu thotë dhe do ndiheni mire. Planetët do jene ne anën tuaj dhe do iu mbështesin. Beqaret jo vetëm qe do kenë takime, por disa do mund te nisin edhe një lidhje te qete dhe te ekuilibruar. Në punë do dini si të përshtateni me situatat që do ju vijnë dhe do bini dakord me bashkëpunëtorët. Perspektivat për ju duken goxha të mira. Planetët do e ndërlikojnë pak situatën financiar, kështu qe tregohuni të matur.

Bricjapi

Falë mbështetjes së madhe të Hënës dhe Neptunit, sot do jeni më të matur dhe aspak gjykues si më parë. Kjo gjë do ju bëjë të ndiheni edhe vetë më mirë. Pas një kohe të turbullt për ju që keni një lidhje situata do stabilizohet. Jupiteri do iu nxitë të tregoheni më të kuptueshëm dhe t’i pranoni gabimet që keni bërë. Ju beqarët do kërkoni gjatë gjithë kohës, por nuk do arrini dot të krijoni lidhjen që keni ëndërruar. Në punë jo vetëm që do jeni më të vendosur, por do e bëni gjithçka më cilësore se më parë. Statusi juaj edhe mund të ndryshojë ashtu si nuk e keni pritur. Me financat duhet të bëni shumë kujdes sepse gabimi më i vogël mund t’iu çojë në humnerë.

Ujori

Edhe pse do mundoheni nuk do jeni të kthjellët gjatë kësaj dite dhe do bëni gjëra për të cilat do pendoheni gjatë. Shumë herë fjalët tuaja do jenë të pabaza. Neptuni do jetë i pozicionuar keq në jetën sentimentale për ju të dashuruarit. Nuk pritet të ndodhe ndonjë gjë skandaloze megjithatë kujdes me çdo veprim që do bëni. Ju beqarët nuk duhet të mendoni të krijoni një lidhje me të parin që do iu dalë përpara sepse kjo nuk do jetë zgjidhja e duhur. Në punë tregohuni vigjilentë dhe profesionistë. Bëjini sytë katër dhe mos lejoni asnjë person t’iu ndërpresë rrugën. Ka ardhur koha të merreni seriozisht me sektorin financave. Mos lejoni që situata të përkeqësohet.

Peshqit

Intuita juaj do jetë e fortë gjatë kësaj dite dhe nuk do ju lejojë të gaboni. Do e shihni nga larg të ardhmen. Merkuri do jetë planeti që do influencojë më shumë në sektorin e dashurisë për ju që keni një lidhje. Bashkëpunimi do përforcohet dhe komunikimi do jetë akoma më i mirë. Ju beqarët edhe pse do jeni të papërgatitur, do keni një takim impresionues dhe drithërues. Në punë është mirë të rregulloni sa më parë çdo problem sado të vogël që më pas gjërat t’i keni më në vijë. Po të jeni të organizuar gjithçka do ju ecë si duhet. Ekuilibri buxhetor do jetë i qëndrueshëm. Ruajeni sa të mundni këtë situatë dhe shpenzoni me maturi.