Peci dorëzohet para presionit publik: Anulon grantet për këshilltarin e tij dhe
Cili mund të jetë misioni i kosovarëve pas kthimit nga Siria
Ndonëse i ashtuquajturi Shteti Islamik në Irak dhe Siri, pas disfatave të njëpasnjëshme është duke u shpërbërë, atje ende qëndrojnë mbi 140 kosovarë, disa prej tyre të involvuar në organizatat terroriste si ISIS dhe Al-Nusra.
Por shqetësues mbetet misioni i këtyre pas kthimit në Kosovë, të cilët momentalisht luftojnë për krah organizatave terroriste, e kjo për ministrin në detyrë të Punëve të Brendshme, Skënder Hyseni nuk paraqet ndonjë shqetësim.
Hyseni në një prononcim për Indeksonline, ka thënë se nuk mundemi të paragjykojmë për qëllimet e kosovarëve pas kthimit në vend.
“Nuk mund të paragjykojmë për qëllimet e kosovarëve që ndodhën ende në Siri, nëse ata kthehen në Kosovë, por ajo çka vlen të theksohet është se në vitin e fundit numri i atyre që kanë shkuar në këto vatra lufte është komplet i pa përfillshim sepse janë 2 ose 3 raste të cilat megjithatë janë të pa verifikuara”, ka thënë Hyseni.
Ai megjithatë e vlerëson pozitive angazhimin e institucioneve të Kosovës në parandalimin e shkuarjes së kosovarëve në konfliktet e lindjes së mese.
“Pjesëmarrja e kosovarëve fatkeqësisht ka qenë e madhe në luftën e Sirisë dhe Irakut dhe kjo ka qenë shqetësuese për neve, prandaj gjatë këtyre 3 viteve është bërë punë shumë e madhe që të parandalohet shkuarja e kosovarëve në luftën e Sirisë dhe Irakut”, ka thënë Hyseni.
Ndërkaq që nga viti 2012 sipas të dhënave të Policisë së Kosovës, numri i përgjithshëm i Kosovarëve që kanë udhëtuar për në Siri është rreth 316, në mesin e tyre janë 44 gra dhe 29 fëmijë, në këtë numër janë të regjistruar edhe 38 qytetarë që kanë shtetësi të dyfishtë.
Vlerësohet se momentalisht numri i qytetarëve nga Kosova në zonat e konfliktit është rreth 140. Duke përfshirë 75 persona që dyshohet se në forma të ndryshme janë aktiv në organizatat terroriste të përcjellë nga gratë dhe fëmijët e tyre. Në Siri, dhe Irak janë edhe 38 gra dhe 27 fëmijë, 58 shtetas të Kosovës janë raportuar si të vrarë, shumica prej tyre besohet të jenë vrarë prej vet terroristëve pas tentimeve për tu larguar nga zonat e konfliktit. Deri më tani 117 prej tyre janë kthyer në Kosovë.
Kosovarët të cilët kanë udhëtuar për në zonat e konfliktit kryesisht janë të rinj të moshës 18-27 vjeç, shumica me gjendje të rëndë ekonomike dhe probleme sociale, shumica prej tyre kanë një edukim të ulët ose nuk kanë pasur qasje në edukim dhe një pjesë e tyre me të kaluar kriminale./Indeksonline/
