Çfarë premtoi e çfarë ka realizuar në mandatin e katërt Agim Veliu? (Dokument)

Kryetari i Podujevës, Agim Veliu duket se po e ka vështirë që t’i përmbushë premtimet që kishte dhënë gjatë fushatës zgjedhore. Më shumë se gjysmën e projekteve për të cilat e kishte dhënë fjalën se do të përfundohen, as që kanë filluar të realizohen. Prej 47 premtimeve, deri tani ka arritur t’i realizojë vetëm 3 prej tyre, pra vetëm 3 premtime janë të përfunduara, 2 janë gjysmë të përmbushura, 10 janë të filluara kurse 17 nuk kanë filluar fare, shkruan PodujevaPRESS.com

Lexo në (www.komunat.institutigap.org)

Agim Veliu ishte treguar mjaftë dorëlirë gjatë fushatës zgjedhore. Premtonte diçka thuajse për çdo ditë, e thoshte se do t’i përmbushë ato për të cilat zotohej.

Por, pas përfundimit të fushatës zgjedhore e pasi u zgjodh në krye të Podujevës, Agim Veliu duket se po e ka të vështirë t’i kryejë punët.

Prej 47 premtimeve, sa kishte bërë i pari i Podujevës në fillim të fushatës zgjedhore të vitit të kaluar, vetëm 3 prej tyre ka arritur t’i përfundojë.

Më shumë se gjysma e premtimeve të tjera nuk janë përmbushur. Madje, 17 prej tyre as sot e kësaj dite as nuk kanë filluar të realizohen.

Të tjerat vetëm sa kanë filluar të realizohen, ose janë gjysmë të përmbushura.

LEXO EDHE: Agim Veliu prej 47 premtimeve, vetëm 3 të realizuara

Gjithë kjo sipas raportit të publikuar nga Instituti GAP, lidhur me premtimet që kanë dhënë kryetarët e komunave gjatë fushatave zgjedhore dhe përmbushjen e tyre.

Në bazë të këtij raporti, premtimet e vetme që janë realizuar nga Veliu janë: Ndertimi i 3 shkollave njëra donacion i BE-së, dhe dy grante qeveritare, ndarja e bursave per nxënës e student (edhe pse kjo ka pas shumë kritika nga opozita në Podujevë),  si dhe ndarja e subvencioneve në bujqësi.

E fushat të cilët janë lënë anash me realizueshmërinë e premtimeve janë përjashtim deri diku infrastrktura, kurse shëndetësia dhe urbanizmi është bërë shumë pak, sidomos në urbanizëm nuk ka realizuar ndonjë projekt me rëndësi të veçant përveç rehabilitimit të gropave nëpër rrugët e qytetit.

Ndonëse, të dhënat e nxjerra nga  ky institut tregojnë se kryetarët e komunave më së shumti kishin bërë premtime në infrastrukturë, arsim dhe shërbime publike.

383 premtime ishin bërë në infrastrukturë, 126 në arsim dhe120 në shërbime publike.

Ndryshe, në zgjedhjet e kaluara, partitë politike, kishin bërë gjithsejtë 548 premtime. Por, nga ana tjetër nuk i kishin realizuar as edhe gjysmën e tyre.

Prej, 548 premtimeve, vetëm 283 prej tyre ishin realizuar. Ndërkaq, ishin 66 projekte që nuk kishin filluar fare të realizohen.