Çfarë i ndodhi këngëtarit? Bën njoftimin e papritur

Pavarësisht se sezoni i verës ka përfunduar, Ermal Fejzullahu vijon të jetë aktiv me koncertet e tij si brenda edhe jashtë Shqipërisë.

Por ditën e sotme, këngëtari ka habitur fansat me një prej postimeve të bëra në profilin e tij të Instagramit, përmes të cilit ka lajmëruar anulimin e dy koncerteve të tij në Itali.

“Përshendetje të gjithëve.

Doja t’ju njoftoja se për arsye personale, nuk mund të jem pjesë e koncerteve në Itali, të cilat janë parashikuar të mbahen sot edhe nesër.

Ju falenderoj për mirëkuptimin tuaj. Uroj të shihemi sa më shpejt”, shkruan artisti në profilin e tij.

Këngëtari nuk ka dhënë detaje të mëtejshme se cila është arsyeja e anulimit të koncerteve por në një postim tjetër të bërë nga Ermali, ai ka publikuar një video të shtëpisë së tij, ku shkruan: “Shtëpi e ëmbla shtëpi”.

Kujtojmë që në fillim të këtij muaji, Ermali ka shqetësuar fansat e tij, teksa ka publikuar një fotografi në “Instastory”, duke marrë serum në ambientet e shtëpisë së tij. Në atë kohë, Ermali nuk zbuloi më shumë lidhur me arsyen që në krahë mbante një vigon.

Sa i përket karrierës së tij, Ermali ka ardhur me disa projekte muzikore, kryesisht bashkëpunime.

Shiko foton: