Vdes mamia llapjane Sanije Topanica, iu ndihmoi grave në lindje gjatë luftës
Bulliqi vazhdon t’i bëjë sherre LDK’së, nuk e duan në votim raportin e tij
Seanca që do t’i japë vulë demarkacionit me Malin e Zi, pritet të fillojë edhe pak minuta, mirëpo, në LDK nuk po pajtohen që së bashkë me projektligjin për demarkacionin të përcillet edhe raporti i komisionit të Shpejtim Bulliqit, duke deklaruar se në këtë mënyrë bëhet fjalë për një projektligj kontradiktor, shkruan Gazeta Express.
Express mëson nga burime të saj se tashmë është mbledhur grupi parlamentar i Lidhjes Demokratike të Kosovës, që po kundërshton Raportin e Komisionit Shtetëror të udhëhequr nga Bulliqi në të cilën thuhet se marrëveshja e nënshkruar në vitin 2015 është vepër penale dhe e cenon integritetin territorial të Kosovës.
Edhe pse deputetët e LDK’së kanë thënë se janë unik sa i përket votave të tyre pro demarkacionit, ata nuk po pajtohen në këtë pikë, duke bërë kështu që të diskutojnë së bashku me grupin për gjetjen e një zgjidhje që demarkacioni të kalojë pa u diskutuar raporti i komisionit shtetëror.
Në anën tjetër, për Express, deputetja e AAK’së, Time Kadrijaj ka bërë të ditur se tashmë nuk është e mundur që të hiqet raporti i Bulliqit si rend dite, duke shtuar se është e bindur se sot është dita vendimtare për demarkacionin.
Kadrijaj beson se vetë fakti që seanca është thirrë për sot tregon se votat janë mbledhur./Express/
