Bulliqi takon kryeshefin e Ujësjellësit “Prishtina”, diskutojnë për problemet me ujin e pijshëm

Sot prita në takim kryeshefin Ekzekutiv të Ujësjellësit Rajonal “Prishtina”, Sokol Xhafa, me të diskutuam për sfidat dhe vështirësitë me të cilat ballafaqohemi si komunë në furnizimin me ujë të pijshëm, ka njoftuar kryetari Bulliqi.

Gjatë këtij viti ka shkruar ai, janë të planifikuara 400 mijë euro investime nga ana e Ministrisë së Mjedisit, Planifikimit Hapësinor dhe Infrastrukturës për zgjerimin e rrjetit të ujësjellësit në zonën e Orllanit, si komunë i kemi te planifikuara 60 mijë në zgjerimin e rrjetit të ujësjellësit në zona të tjera.

Bulliqi ka thënë se me Kryeshefin Xhafa diskutuam edhe për mundësitë e investimeve në alternativa të reja të furnizimit me ujë të pijes. Sfidat dhe vështirësitë janë të mëdha, por përkushtimin e kemi maksimal të gjejmë rrugëzgjidhje për furnizim të rregullt me ujë të pijes për qytetarët tanë.