Bulliqi: Së shpejti Llapi do të ketë një prej stadiumeve më të bukura në vend

Kryetari i Podujevës, Shpejtim Bulliqi ka vizituar punimet në stadiumin e Llapit, “Zahir Pajaziti”.Klubi i Llapit është duke ndërruar barin nga artificial, në atë natyral. Kryetari i Komunës së Podujevës, Shpejtim Bulliqi sot vizitoi punimet, ku u prit nga trajneri llapjan, Tahir Batatina, shkruan GazetaBlic Sport.Bulliqi ka shkruar në rrjetin social, Facebook në lidhje me këtë vizitë, ku edhe tha se Llapi së shpejti do të ketë një prej stadiumeve më të bukura në vend.

Ai poashtu uroi që situata me pandeminë të përmirësohet dhe tifozët të kthehen në tribuna.

Ja postimi i tij i plotë:“Para disa ditësh është bërë mbjellja e barit natyral në stadiumin e K.F Llapi, kurse unë sot kam vizituar punimet që janë duke u zhvilluar në stadium nga kompania punëkryerse. Pas 10 dite pritet të mbillet në tërësi bari natyral që do t’i jap pamje shumë të bukur stadiumit “Zahir Pajaziti”.

Tash do ta kemi një prej stadiumeve më të bukura në vend dhe që i plotëson të gjitha standardet evropiane.

Uroj të përmirësohet situata me pandeminë e t’i kthehemi tribunave për ta mbështetur skuadren tonë të zemrës, K.F Llapi”, shkroi Bulliqi në Facebook.