Bulliqi ironizon me Agim Veliun: A e kanë shkarku a?

Kryetari i Komunës së Podujevës, Shpejtim Bulliqi, ka ironizuar me shkarkimin e Agim Veliut nga kreu i Degës së LDK-së në Podujevë.

Bulliqi ironizoi duke thënë se “A e kanë shkarku a?”, gjersa shtoi se nuk ka qenë i informuar lidhur me këtë çështje.

“A e kanë shkarku a? S’kokna marrë me atë farë problemi. Kanihere ndodhin këto telashe, jeta është e tillë”, tha ai.

Tutje, ai mori shembull Osmanin kur tha se dikur është shkarkuar nga LDK’ja, e sot është bërë presidente.

“Ai e ka shkarkuar dikë më herët, tash atë e shkarkon dikush. Edhe Vjosa është shkarkuar, po tash u bë presidente e vendit”, u shpreh Bulliqi në T7.