Britania e Madhe kërkon heqjen e taksës, keni përkrahjen e Trump’it për bisedime me Serbinë

Ambasadori i Mbretërisë së Bashkuar në Kosovë, Ruairi O’Connell ka kërkuar që Kosova ta heq taksën dhe të fillohet dialogu me Serbinë pasi po afrohet përkrahje e plotë nga Presidenti i SHBA’së, Donald Trump, transmeton Gazeta Metro.

O’Connell ka folur për herë të parë për taksën duke thë se Kosova do të duhej të hiqte taksën 100 për qind ndaj produkteve serbe dhe boshnjake, sipas tij më e rëndësishëm është vazhdimi i dialogut.

“Kosova duhet sa më shpejt të caktojë masat konkret që do të marrë të heq taksën ose jo. Duhet të ketë një strategji për të ecur përpara’, tha O’Connell,

Po ashtu O’Connell tha se për Kosovën më e rëndësishme se tarifa është arritja e një marrëveshje finale në mes të Kosovës dhe Serbisë.

“Ne kuptojmë pse është marrë vendim për të vendosur taksën ndaj Serbisë. Është në interes të Kosovës për të pasur një marrëveshje gjithëpërfshirëse, për të arritur një marrëveshje finale”, tha O’Connell në T7,

Ambasadori britanik tha se Kosova duhet të shfrytëzojë këtë momentum për të arritur marrëveshjen e tij për shkak se ka edhe vëmendjen e presidentit amerikan, Donald Trump./gazetametro.net