Bosat e kazinove gjejnë zgjidhje pas mbylljes së tyre: Ato i hapin në tjetër vend dhe po ofrojnë transport falas

Qeveria e Kosovës me anë të një ligji dhe me votimin shumicë të deputetëve të Kuvendit të Kosovës, kanë vendosur që të gjitha pikat e lojërave të fatit të mbyllen në Kosovë, por tani zgjidhjet për ata që duan të luajnë vetëm se janë gjetur, transmeton Gazeta Metro.

Pronarët e kazinove kanë gjetur zgjidhje pak ditë pas vendimit për mbylljen e lojërave të fatit, ata po ofrojnë transport falas për të gjithë kosovarët që duan të luajnë në kazino.

Pronari i lokalit ‘Las Vegas’ ka vendosur ta transferojë atë në Bllacë, saktësisht në kilometrin e parë pas kufirit Kosovë-Maqedoni.

Bosi i kësaj kazino ka vendosur që kazinon e tij ta hap së shpejti në Bllac, shumë afër kufirit me Kosovën, ku nga aty pritet që ta fillojë punë biznesi i tij.

Kjo po bëhet pasi në Maqedoni lojërat e fatit nuk janë të ndaluar me ligj, andaj biznese të tilla mund të hapen shumë lehtë dhe pa ndonjë vështirësi.

Kujtojmë se në Kosovë, me 69 vota pro në Kuvend është votuar që të mbyllen pikat e lojërave të fatit, kjo nismë erdhi pas dy vrasjeve që janë bërë në kazino.