Bllokon një pikë kufitare: Pritet deri në 7 orë për të kaluar

Nëse do të udhëtoni për Preshevë ose Bujanoc, as mos e merrni rrugën, pasi që pritjet në pikën kufitare te Dheu i Bardhë, mund t’u marrin deri në 7 orë, transmeton Gazeta Metro.

Qendra Kombëtare për Menaxhim të Kufijve ka bërë të ditur se qytetarët po përballen me pritje të gjata në pikën kufitare te Dheu i Bardhë, të cilat shkojnë deri në 7 orë.

E përpos te Dheu i Bardhë, pritje ka edhe në pika kufitare të tjera, përkatësisht në Merdare, ku për të dalë nga Kosova duhet të prisni afro 2 orë.

Për më shumë detaje rreth hyrjeve dhe daljeve në pikat kufitare mund të shihni tabelën më poshtë:

Ndryshe, ditëve të fundit në vendin tonë ka pasur një fluks të madh mërgimtarësh të cilët kanë ardhur në vendlindje për t’i kaluar festat e fundvitit, e që kalojnë pikërisht nëpër këto pika kufitare për të arritur në Kosovë.