Blerand Stavileci nuk kalon (Dok)

Zyra Ligjore e Ministrisë së Zhvillimit Ekonomik e ka dhënë interpretimin ligjor të kërkuar nga Zyra e Kryeministrit lidhur me kandidimin e Blerand Stavilecit për drejtor menaxhues të KEK-ut.

Sipas këtij intepretimi të siguruar nga “Gazeta Blic” kandidatura e Blerand Stavilecit bie ndesh me Ligjin e Ndërmarrjeve Publike, gjegjësisht neni 21 i cili qartësisht e thotë se “personi që është ose në çfarëdo kohe gjatë periudhës 36 muajsh para datës së aplikimit ka qenë zyrtar i zgjedhur publik, i emëruar politik ose bartës i një posti udhëheqës ose vendimmarës në një parti politike”, nuk mund të zgjidhet Kryeshef Ekzekutiv i Ndërmarrjes Publike.

E Stavileci aktulisht e ka pozitën e këshilltarit politik të kryeparlamentarit Veseli.

Zyra Ligjore e MZHE-së këtë intepretim ligjor e ka dërguar të zyra e ligjore e Kryeministrit dhe tani pritet t’i dërgohet edhe Bordit të Drejtorëve të KEK-ut.

Ndërsa, këta të fundit pastaj mbetet të vazhdojnë procedurat e përzgjedhjes së drejtorit menaxhues të KEK-ut me kandidatët tjerë në garë, ku pos Stavilecit, në garë për kreun e KEK-ut janë edhe: Ilmi Azemi, Fatmir Sfishta, Istref Klinaku, Adil Jonuzi, Naser Rusinovci, Njazi Thaçi, Edmond Nulleshi, Agim Nika, Ali Krasniqi dhe Nexhmi Leci.

Pas dorëheqjes së Arben Gjukajt, për herë të parë KEK-u ka shpallur konkurs për drejtor menaxhues në KEK më 5 prill, ndërsa është rishpallur më 1 qershor dhe për herë të tretë konkursi është hapur më 9 gusht dhe ka qenë i hapur deri dje, më 10 shtator. /Gazeta Blic/