Bill Clinton takon Bushin e vjetër, i dhuron atij çorape (Foto)

Miku i shqiptarëve, ish-presidenti amerikan Bill Clinton, ka kaluar kohë me ish-presidentin tjetër George Bush dhe bashkëshorten e tij, Barbara Bush. Clinton i ka dhuruar një palë çorape Bush’it, gjersa ka treguar se përveç për to, kanë biseduar edhe për fëmijët, nipërit e mbesat, kohët e vjetra e ato të reja.

Bush është i njohur për dashurinë e tij ndaj çorapeve, në fakt për ditëlindjen e tij, ai fton publikun që të krijojnë dizajnet e tyre te çorapeve, përmes fondacionit George Bush, që është një fondacion i bibliotekës presidenciale.

Të dy burrështetasit kanë udhëtuar së bashku disa herë që kur kanë braktisur Shtëpinë e Bardhë, zakonisht për misione humanitare, përcjell gazetametro.net

92 vjeçari Bush është parë në një karrocë, pasiqë nuk ka shumë javë që ai është diagnostifikuar me pneumoni. Ai shërbeu si president i Amerikës që nga viti 1989 deri në 1993.

Bill Clinton është një politikan amerikan i cili shërbeu si President 42-të i Shteteve të Bashkuara, nga viti 1993 deri në vitin 2001.

Gjatë kohës së mandatit të tij si president i shtetit më të fortë në botë ai ndikoi në miratimin dhe realizimin e vendimeve të OKB-s për ndërhyrjen e NATO-s në Luftën e Kosovës në vitin 1999.

Clinton njihet si mik i madh i shqiptarëve, e veçanërisht i kosovarëve, pas rolit të tij të jashtëzakonshëm në luftën e fundit të Kosovës. Shtet i cili mban bulevardin dhe statujën me emrin e tij. /gazetametro.net