Behram Latifi emërohet Drejtor i Bujqësisë, Pylltarisë dhe Zhvillimit Rural në Podujevë

Behram Latifi është emëruar Drejtor i Bujqësisë, Pylltarisë dhe Zhvillimit Rural në Komunën e Podujevës.

Emërimi i tij vjen si rezultat i marrëveshjes për bashkëqeverisje ndërmjet degës së PDK-së në Podujevë dhe Kryetarit të Komunës, Shpejtim Bulliqi. Sipas kësaj marrëveshjeje, kjo drejtori i është besuar Partisë Demokratike të Kosovës.

Latifi pritet të marrë përgjegjësitë e reja në një sektor të rëndësishëm për zhvillimin ekonomik lokal, veçanërisht për bujqësinë dhe zonat rurale të komunës.