Bëhen nderime për dy dëshmorët e Betejës së Pollatës

Kryetari e Kuvendit, Glauk Konjufca, Kryetari i Podujevës, deputetë të Kuvendit, përfaqësues të institucioneve të sigurisë, drejtorë komunal, shoqata të luftës dhe familje të dëshmorëve morën pjesë në shënimin e 32 vjetorit të Betejës së Pollatës, ku ranë heroikisht dëshmorët Skender Munolli dhe Besim Latifi. Gjatë manifestimit përkujtimor u zbulua edhe obelisku në nderim të dy dëshmorëve në fshatin Pollatë.

Kjo betejë shënon një prej rezistencave kryesore në trevën e Llapit gjatë viteve të 90. Besimi dhe Skenderi me luftën dhe rezistencën e tyre frymëzuan shumë njerëz anembanë Kosovës, ata brymosen frymën e rezistencës aktive tek populli i Kosovës si dhe përshpejtuan organizimin e luftës çlirimtare në Kosovë.

Ky manifestim u organizua nga Komuna e Podujevës dhe shoqatat e dala nga lufta e UÇK-së.