Bedri Maçastena e “mund” Shpejtim Bulliqin në rrjete sociale

Interesante dhe e “nxehtë” pritet të jetë gara për të parin e degës së Lëvizjes Vetëvendosje në Podujevë. Kundërkandidatë do të jenë një ish-ushtar i UÇK-së dhe kryetari aktual. I pari pritet të këtë mbështetjen edhe të drejtorëve të shkarkuar nga Shpejtim Bulliqi në Podujevë. Por kush do ta ketë mbështetjen e kryeministrit Albin Kurtit, pritet të shihet ditëve në vazhdim.

Gara e brendshme se kush do ta udhëheqë degën e Lëvizjes Vetëvendosje në Podujeve, tashmë ka nisur zyrtarisht.

Bedri Maçastena e Shpejtim Bulliqi, njoftuan zyrtaisht se do të jenë kundërkandidat për të shef të kësaj dege.

I pari ish-ushtar i Ushtrisë Çlirimtare të Kosovës, e i dyti ish-drejtori i Agim Veliut, njeriut që për disa vite me radhë udhëheqi LDK-në në Llap dhe komunën e Podujevës.

Bedri Maçastena, ishte drejtor i Inspeksionit e shef kishte Bulliqi. Por nuk e kishte vazhduar mandatin pas mospajtimeve, ky i fundit për shkak se kishte luftuar “veprimet e pandershme dhe të paligjshme”.

Maçastena para disa ditësh zbuloi për media planet që do të jetë kundër kandidat i Bulliqit.

Por siç shkruajnë disa media nga burimet e brendshme, pakënaqësitë janë evidenre te shumica nga aktivistët e partisë që janë kundër kryetarit aktual, Shpejtim Bulliqit.

E kjo shihet edhe tek pëlqimet në Facebook, ku Maçastena prin shumë përpara Bulliqit an ipse Bulliqi postimin e ka bërë në fanpage me 20 mijë ndjekër kurse Maçastena në profiling e tij privat.