Batatina: Në Podujevë s’më mund as Atletico Madridi, e lëre më Gjilani

Tahir Batatina është shprehur shumë i kënaqur me fitoren ndaj Gjilanit, duke theksuar që skuadra e tij do të shkojë ndeshje pas ndeshje, pa e ndjerë presionin e luftës për titull.

“Kemi qenë të kujdesshëm, jemi munduar të mos pësojmë gol dhe të tentojmë finalizimin, që fatmirësisht e arritëm në fund. Shpresoj që në ndeshjet e radhës do të luajmë edhe më mirë dhe t’i gëzojmë shikuesit tanë. Në këtë fushë s’dorëzohemi as ndaj Atletico Madridit, e lëre më ndaj skuadrave kosovare”, deklaroi Batatina për “Supersport”, përcjellë PodujevaPRESS.

Në xhiron e ardhshme, Llapi luan në udhëtim kundër Feronikelit.