Batatina: Jam i lumtur që tash janë hapur rrugët e talentëve të futbollit përmes skuadrës se Llapit

Drejtori ekzekutiv i klubit futbollistik “Llapi”, Tahir Batatina po vazhdon t’i besoj futbollistëve të rinj dhe kjo po i shpërblehet.

Mirlind Daku dhe së fundmi Festim Alidema janë dy lojtarët e ‘zbuluar’ nga Tahir Batatina – të cilët po i dëshmojnë aftësitë e tyre në sportin e futbollit, shkruan GazetaBlic.

Daku arriti që nga skuadra e Llapit të kaloj tek skuadra e madhe kroate, Osijek, ndërsa sulmuesi Festim Alidema pas ‘shpërthimit’ në këtë stinor ka pranuar shumë oferta nga klube të mëdha evropiane, si Baseli – Hajduk Split dhe Osijek.

Tahir Batatina në një prononcim për ‘GazetaBlic‘ është shprehur shumë i lumtur që po i ndihmon Kosovës në zbulimin e talentëve.

“Ndihem i lumtur – por edhe krenar. Kur fillova zejen e trajnerit shumë njerëz ishin skeptik për punën time, për vizionin tim – por me punë dhe përkushtim arrita ta marrë besimin e qytetarëve dhe adhuruesve të futbollit, sepse vetëm me punë profesionale dhe sinqeritet mundesh me i fitu zemrat e qytetarëve të Kosovës”, tha fillimisht Batatina.

“Jam mirënjohës që tash po më përkrahin të gjithë qytetarët e Llapit – duke e parë se te unë mbizotëron puna, sinqeriteti dhe profesionalizmi dhe tash janë hapur rrugët e talentëve të futbollit përmes skuadrës se Llapit.”

“Jam i lumtur që jam kreator i këtij projekti madhor për futbollin kosovar”, përfundoi Tahir Batatina.