Batatina i thumboi ditë më parë, shikoni çfarë kanë bërë trajnerët nga Shqipëria

Trajneri i Llapit, Tahir Batatina pasi elimonoi Trepçën ’89 nga DigitAlb Kupa deklaroi se së shpejt do t’iu bëjë vend kolegëve kosovarë, pasi disa ‘timonierë’ nga Shqipëria do t’i lë së shpejti pa punë.

Kjo për faktin se ai kishte mposhtur 89-shin që drejtohej nga Gugash Magani.

Mirëpo, si për ironi, Batatina sot është mposhtur nja një trajner nga Shqipëria. Llapi i tij u mposht nga Prishtina e Mirel Josës, shkruan Gazetasheshi.com.

Por, kjo nuk është e tëra. Edhe dy teknikët tjerë nga Shqipëria, Gugash Magani (Trepça ’89) dhe Bledi Shkëmbi (Liria) fituan me skuadrat e tyre.

89-shi fitoi 1:0 ndaj Vëllaznimit, kurse Liria mposhti 2:1 Vllazninë.