Batatina gjen fajtorin e eleminimit të Llapit!

Trajneri i Llapit, Tahir Batatina, ka qenë kritik ndaj ndarjes së drejtësisë në ndeshjen të cilën skuadra e tij e humbi nga Prishtina, në kuadër të çerekfinales së Digitalb Kupës së Kosovës.

“Nuk e kam shprehi të komentoj ndarjen e drejtësisë, por sot gjyqtari ndikoi direkt në rezultat”, ka thënë Batatina.

Ndërsa, sa i përket lojës,ai është shprehur:

“E filluam mirë ndeshjen, dominuam ndaj Prishtinës, e shënuam me kohë golin e parë, por nuk na u lejua të fitojmë. Në momentin shënuam gol ndërroi qasja e gjyqtarëve, sidomos te ajo ndërhyrja në zonë të rreptësisë ishte shumë e qartë. Përkundër kësaj, ne u rikthyem dhe arritëm të barazojmë edhe pse ishim me një futbollist më pak në fushë”.

“Pastaj, te penalltitë, lojtarët tanë ishin në presion, por kjo u ndodh edhe futbollistëve më të mëdhenj botërorë”, ka theksuar Batatina.

Ai ka shtuar se Llapi do të përqendrohet në kampionat, pasi ende ka gjasë reale për titullin e kampionit.