Banorët e rrugës “Afrim Zhitia” në Podujevë janë në hall nga bllokimi i trotuareve dhe rrugës

Po thuajse çdo ditë e javës paraqet sfidë në vete për banorët e kësaj lagjeje, zona afër dy shkollave fillore në Podujevë, “Shaban Shala” dhe asaj ” Naim Frashëri”, njofton PodujevaPRESS.

Trotuaret e kësaj rruge e po ashtu edhe vet rruga në të shumtën e rasteve bllokohet si pasojë e zhvillimit të tregtisë-biznesit nga shitësit ambulant të cilët pa asnjë problem dhe lirshëm i ekspozojnë-shtrijnë sendet e tyre për shitje përgjatë gjithë rrugës duke bllokuar kështu trotuaret dhe qarkullimin e veturave.

Banorët shprehen të mllefosur me gjendjen e krijuar dhe heshtjen e komunës përballë këtij fenomeni tashmë në rritje në Podujevë, që më shumë ngjason me vendet e lindjes së mesme te të bërit biznes sesa drejt perëndimit ku edhe aspirojmë të integrohemi.

Ndërsa një banorë i lagjes, shprehet: “Nuk din njeriu a është në mal apo ndonjë ëndërr, me mëngjes vijnë shitësit gjatë vikendit, ndezin motorët për prerjen e drurit. Po ashtu edhe makina të tjera me djegie, po na i frikojnë fëmijët s’po mundemi qetë me qëndru në shtëpitë tona”