Banesat e lëshuara për familjet në lagjen ‘Dëshmorët e Kombit’ në Podujevë lëshohen me qira (VIDEO)

U ndërtuan me një qëllim të vetëm, të jenë vend i përkohshëm strehimi për familjet në nevojë.

Por, disa nga 112 shtëpitë e lagjes ‘Dëshmorët e Kombit’ në Podujevë po përdoren për diçka tjetër. Objektet që janë në pronësi publike po lëshohen me qira nga pronarët aktualë, të cilët banojnë diku tjetër, derisa ka edhe të tilla që janë lënë të zbrazëta.

Këtë e konfirmoi për televizionin, në kushte anonimiteti, edhe dikush që pagoi 100 euro në muaj për të jetuar për një kohë aty.

Në komunën e Podujevës thanë se nuk kanë njohuri për këto keqpërdorime, por që për këtë çështje është formuar një komision.