Bajrami: Pagesa ekstra dhe fonde për mësimdhënsit dhe shkollat cilësore

Ministri i Arsimit, Arsim Bajrami, në emisionin e mëngjesit në RTK deklaroi se kanë formuar tashmë pakon e plotë që definon mësimdhënësin e shekullit 21 në Kosovë. Kjo pako parasheh pagesa ekstra për mësimdhënësit cilësorë dhe fonde ekstra për shkolla cilësore. Profesioni i mësimdhënësit do të mbrohet nga shteti ndërsa pakoja e re do hyjë në fuqi që nga fillimi i vitit të ri shkollorë

Një mësimdhënës cilësorë, në të ardhmen e afërt, mund të marrë deri në gjysmë page më shumë si shpërblim mujorë, nëse ai arrin të kalojë vlerësimet dhe të licensohet sipas pakos së re të mësimdhënsit, përmbajtjen e së cilës e lansoi në emisonin e Mëngjesit ministri I Arsimit, Arsim Bajrami.

Mjafton që ai të jetë një mësimdhënës cilësorë, të kalojë të gjitha trajnimet e caktuara apo të azhurnohet me të rejat të cilat do të kërkohen nga Udhëzimi i Ri administrativ për t’u licensuar në shkallë të ndryshme të mësimdhënjes.

“Kemi marrë modelin finlandez, i cili është një prej modeleve më të mira në botë. Është një udhëzim administrativ që përfshin një paketë të tërë pikash për të rregulluar standarin e mësimdhënsin. Po ju ofrojmë një standard evropian për profesionin e mësimdhënësit. Paketa  rregullon dhe përcakton se kush mund të jetë mësimdhënës dhe cilat janë detyrimet e tyre”, tha ministri i Arsimit, Arsim Bajrami.

Sipas tij, Implementimi fillon këtë ditë vit.

“ Kemi rregulluar kriteret. Dëshirojmë që mësimëdhënësit të jenë studentët e ekselencës që kanë një shkallë të lartë të njohurive që nga shkolla e mesme. I kemi ndarë në 4 grupe: Mësimdhënës i karrierës i cili është fillestarë, vjen nga fakulteti dhe është mentoruar. Grupi i Dytë vjen pas 5 viteve dhe mësimdhënësi do të verfikohet dhe do të bëhet mesimdhënës mentor.Grupi i tretë do të jetë mësimdhëns i avancuar dhe në fund Mësimdhënës i Merituar. Do ketë një garë positive në mes mësimdhënësve për shkak se secili avancim do të stimulohet financiarisht”, ka treguar për detajet e pakos ministri Bajrami.

Sipas tij, avancimet dhe gradimet do të udhëhiqen nga një komision i krijuar nga ministria, por anëtarët shumica do të jenë të jashtëm dhe nuk do të vinë nga byrokracia e ministrisë së Arsimit.

“ Kjo paketë e bën mësimdhënsin apo profesionin e mësimdhënsit të mbrojtur nga shtetit, por njëkohësisht edhe llogaridhënës ndaj fondeve. Do të jetë shumë atraktive që të jesh mësimdhënës për shkak se do të mbrojmë fuqishëm këtë profesion, nga i cili varet edhe e ardhmja e fëmijëve tonë. Jemi të vetëdijshëm se ky profesion është duke u sfiduar nga ndryshimet e mëdha teknologjike”, theksoi ministri Bajrami.Gjithashtu, ministri Bajrami, ka njoftuar për Kontratën e Re kolektive që do të zbatohet krahahas  pakos së rë të mësimdhënësit dhe premtoi se do të gjenden fonde për të zbatuar këtë pako.

“ Personalisht premtoj për një angazhim maksimal për gjetjen e fondeve qoftë nga qeveria e Kosovës apo donatorët. Duhet të ndryshojë profesioni i mësimdhënësit në Kosovë dhe nuk shkohet më me këtë system. Ju e patë çfarë vlerësimi morëm për sistemin arsimor nga IPA”, ka deklaruar ministri i Arsimit.