Bajram Gecaj i reagon Shpejtim Bulliqit

Zyrtari i LDK-së, Bajram Gecaj, i ka reaguar kryetarit të Podujevës, Shpejtim Bulliqi pasi ky i fundit kishte komentuar në një shkrim të tij, publikuar pak orë më parë në Gazeta Blic.

Pas këtij komenti, Gecaj thotë se i njëjti në vend që të merret me punët në komunë merret me komente në portale.

Tutje Gecaj i drejtohet Bullliqit duke i thënë se i njëjti më mirë do të ishte të fliste me bashkëpartiakët e tij dhe t’u tregonte se vota për Kurtin është e humbur pasi ai nuk mund të kandidojë as për deputet dhe as për Kryeministër.

Reagimi i plotë i Gecajt:

Paramendojeni ju, në vend se të merret me realizimin e “zotimeve” të tij në Komunën e Podujevës, ky far Bulliqi po gjen kohë edhe me komente me u marrë në publikimet e portaleve. Nejse, si gjithherë, paska folur pa lidhje. Më mirë do të ishte me u tregu bashkë-partiakëve, të partisë së tij të tretë apo të katërt, se vota e tyre për Albin Kurtin është votë e humbur, pasi që LIGJI nuk lejon shkelësin e LIGJIT të kandidoj as për deputet e as për kryeministër. Mos e qoni votën kot, por zgjidhni Avdullah Hotin, njeriun i cili LIGJIN e ka edhe bibël edhe kuran!