“Të vras”, “E han plumbin” | Çifti e kërcënojnë njëri – tjetrin
![Bahtjari e Januzi dërgohen në Hagë, dyshohet se provuan ta bindin një dëshmitar që të mos japë dëshmi në Speciale](https://podujevapress.net/wp-content/uploads/2019/11/eulex.jpg)
Bahtjari e Januzi dërgohen në Hagë, dyshohet se provuan ta bindin një dëshmitar që të mos japë dëshmi në Speciale
Zyra e Prokurorit të Specializuar përmes një komunikate për media ka bërë të ditur se ka arrestuar Ismet Bahtjarin dhe Sabit Januzin pas një fletarresti të lëshuar nga Gjyqtari i Procedurës Paraprake i Dhomave të Specializuara, shkruan Express.
Siç njofton ZPS-ja, ata janë transferuar në Objektin e Paraburgimit të Dhomave të Specializuara të Kosovës në Hagë dhe do të dalin para Gjykatësit të Procedurës Paraprake të Dhomave të Specializuara të Kosovës pa vonesë të paarsyeshme.
Sipas ZPS-së, Gjyqtari i Procedurës Paraprake ka vendosur se ka dyshime të bazuara se Bahtijari dhe Januzi janë përpjekur të bindin një dëshmitar që të mos japë dëshmi në Hagë.
“Z. Bahtjari dhe z. Januzi u arrestuan në lidhje me krime kundër administrimit të drejtësisë, përfshirë frikësimin gjatë procedurave penale, sipas nenit 387 të Kodit Penal të Kosovës (KPK) 2019, Kodi nr. 06/L-074, dhe pengimin e personave zyrtarë në kryerjen e detyrave zyrtare brenda kuptimit të nenit 401(1), (2) dhe (5) të KPK-së, në shkelje të nenit 15(2) të Ligjit nr. 05/L-53 për Dhomat e Specializuara dhe Zyrën e Prokurorit të Specializuar. Gjykatësi i Procedurës Paraprake ka vendosur se ka dyshime të mirë-bazuara se z. Bahtjari dhe z. Januzi u përpoqën të bindin një dëshmitar që të mos japë dëshmi në procedurat e Dhomave të Specializuara”, thuhet në njoftim.
Në aksionin e arrestimit, ZPS-ja është ndihmuar nga EULEX-i dhe Policia e Kosovës.
ZPS në fund potencon se çështjen e frikësimit të dëshmitarëve apo hakmarrjen ndaj tyre e merr shumë seriozisht dhe se do të hetojë dhe ndjek penalisht cilindo që përfshihet në çdo rast.
“Zyra e Prokurorit të Specializuar e merr jashtëzakonisht seriozisht frikësimin e dëshmitarëve, hakmarrjen ndaj dëshmitarëve, dhe pengimin e drejtësisë, dhe do të vazhdojë të hetojë e ndjekë penalisht cilindo dhe të gjithë ata që përfshihen në çdo rast”, përfundon njoftimi./Express/