Babë e bir rrihen mes vete, 17-vjeçari përfundon në spital

Telashet familjare janë të shpeshta, ku anëtarët përleshen mes vete apo pësojnë nga kryefamiljari. E këto zënka shpesh herë kalojnë edhe muret e shtëpisë, duke u nevojitur kështu ndërhyrja e Policisë së Kosovës për të zgjidhur problemet, raporton Gazeta Sinjali.

Një rast i tillë ka ndodhur dje në fshatin Kaçanik, ku babë e bir janë përfshirë në një konflikt fizik mes vete.

Sinjali mëson se 17-vjeçari ka përfunduar në spital si pasojë e lëndimeve që mori gjatë përleshjes, ndërkohë që lidhur me rastin është njoftuar edhe Policia.

Njësitë policore kanë shoqëruar në stacion policor 49-vjeçarin, i cili është intervistuar nga organet e hetuesisë.

Pas përfundimit të procedurave policore, Prokurori i Shtetit ka urdhëruar që dy të dyshuarit të hetohen në liri për veprat penale ‘Dhunë në familje’ dhe ‘Lëndim i lehtë trupor’.