Avdullah Hotit të LDK-së e Vlora Çitakut të PDK-së i “pengon” investimi në Podujevë

Ish-kryeministri, Avdullah Hoti thotë se të gjitha komunat në të cilat qeverisë Vetëvendosja, kanë fituar projekte nga Ministria e Pushtetit Lokal.

Ai ka ironizuar me këtë gjë, duke shkruar “çfarë fati”.

“Nga 7 komuna që kanë fituar projekte nga Ministria e Pushtetit Lokal, 4 janë nga VV. Në nivel nacional, VV qeveris në 4 komuna prej 38 sa janë. Por të gjitha kanë arritur të fitojnë projekte nga Qeveria. Çfarë fati!”, ka shkruar ai.

E reagim ka bërë edhe nënkryetarja e PDK-së Vlora Çitaku. Ajo ka thënë se me mosaprovim projektesh e mbështetje selektive ndëshkohen qytetarët, jo pushtetarët.

Pa diskriminim deri më tani i kemi vetëm reduktimet e rrymës dhe inflacionin.

Turp, ka përfunduar ajo.

Kujtojmë se Podujeva ka fituar një grant qeveritar me vlerën 111,000 Euro për Efiçiencë dhe Zhvillim Efikas.