AUDITORI: Komuna e Podujevës u detyrua ta paguaj 31,128€ një punëtore të arsimit të larguar nga puna pa bazë ligjore

Auditori i përgjithshëm në publikimin e raportit për Komunën e Podujevës flet për shumë shkelje dhe menagjim të keq të buxhetit, transmeton PodujevaPRESS.net

Njëra prej tyre është edhe kur Komuna e Podujevës u detyrua ta paguaj 31,128€ një punëtore të arsimit të larguar nga puna pa bazë ligjore

Ja çfarë shkruan në raport:

Çështja A1 – Keq klasifikim i shpenzimeve

Gjetja:

Sipas nenit 18, pika 3 e rregullores 01/2013/MF për Shpenzimin e Parasë Publike, shpenzimet duhet të kenë kodet adekuate, të përcaktuara me Udhëzimin Administrativ për planin kontabël. Në planin kontabël të Thesarit janë përcaktuar kodet dhe kategoritë përkatëse të shpenzimeve që OB duhet të aplikojnë.

Dy pagesa ishin ekzekutuar nga thesari në kategori të gabuar në vlerë 33,558€.

Vlera 31,128€ është paguar nga kategoria e investimeve kapitale për kompensimin e pagave të një punëtoreje të arsimit të larguar nga puna pa bazë ligjore si dhe vlera 2,430€ është paguar nga kategoria e mallrave dhe shërbimeve për kompensimin e tri pagave jubilare tri paga me rastin e pensionimit.

Kjo ka ndodhur për shkak se komuna nuk kishte planifikuar mjete të mjaftueshme në kategorinë e pagave.