Auditori: Komuna e Podujevës ka shënuar trend negativ në realizimin e të hyrave

Vetëm 1,198,727€, apo 64% të planit kishte arritur të realizojë komuna e Podujevës, apo 19% më pak se vitin e kaluar thuhet në raportin e Audotorit për vitin 2017, transmeton PodujevaPRESS.com

Ne kemi vërejtur thuhet në raport se në lloje të ndryshme te të hyrave nuk ishin bërë planifikime adekuate dhe nuk ishin marrë masa të mjaftueshme për realizimin e të hyrave. Kjo vërehet tek ngecja në mbledhjen e të hyrave nga qiradhëniet, i cili plan ishte përmbushur vetëm 33%, si dhe realizimi i planit për ngarkesat e taksave komunale i cili ishte realizuar vetëm 57%.

Auditori thotë se planifikimi jo i mirë i të hyrave krahasuar me tendencat paraprake rrezikon ngecjen në realizimin e projekteve të planifikuara nga burimet vetjake dhe mos përmbushjen e objektivave të organizatës. /PodujevaPRESS.com/