Ata që Zoti ka shkruar të përfundojnë bashkë, do të përfundojnë bashkë pavarësisht gjithçkaje

As koha, as distanca, as vështirësitë dhe as njerëzit e tjerë nuk mund t’i ndalin dot dy persona që Zoti ka shkruar të përfundojnë bashkë. Edhe pse lindim të vetëm, kur rritemi ne nisim të ndiejmë brenda vetes se diku në botë ekziston dikush i ngjashëm me ne, me të cilin do të mund të takohemi një ditë. Kjo ndjesi është më misterioze se vetë universi. Gjithsesi, ne ecim në jetë me shpresën se një person të tillë do ta takojmë ndoshta ditën tjetër, javës tjetër, osë ndoshta në një të ardhme të afërt në rrethana të ndryshme. Gjithçka mund të ndodhë…

Ditët, javët, muajt e vitet kalojnë. Ne njohim persona të ndryshëm në jetë dhe krijojmë miqësi dhe lidhje të reja. Nëse lidhemi me dikë që nuk është e shkruar të përfundojmë me të, gjërat nuk do të funksionojnë. Normalisht gjithçka do të nisë me mendimin se është gjetur dashuria e jetës. Hormonet do të bëjnë punën e tyre dhe personat në lidhje do të ndiejnë sikur vërtet po përjetojnë dashurinë. Në fakt, ata do të jenë duke përjetuar entuziazmin, i cili për fat të keq në këtë rast e ka një afat skadence. Kur koha kalon, kuptohet se në fakt nuk ka dashuri dhe lidhja përfundon.

Jeta vazhdon sërish me njohje të reja, zhgënjime të tjera, derisa vjen një moment kur kushdo e humb besimin se dashuria e vërtet mund të ekzistojë. Nis të mendojë se ndoshta dashuria është thjesht një iluzion i krijuar nga të tjerët dhe nuk përqendrohet shumë tek ajo. Pikërisht në këtë moment, shfaqet personi i duhur. Në momentin kur nuk mendon shumë tek dashuria, shfaqet pikërisht dashuria e vërtetë, ajo me atë person që është shkruar të përfundojë me ty.

Gjithçka funksionon në këtë mënyrë. Nëse përpiqesh shumë të gjesh dashurinë e duhur, nuk ke për ta gjetur atë. Gjërat e mëdha vijnë në momentet më të papritura. Duhet thjesht të tregosh vëmendje dhe t’i përdorësh në kohën e duhur. Ndërsa dashuria e vërtetë qëndron aty. Nëse është e shkruar të përfundosh me dikë, sado kohë të kalojë, sado larg të jeni dhe sado vështirësi t’ju ndajnë, prapë do ta gjeni mënyrën për t’u bashkuar. Ekziston një fije e padukshme që mund t’i largojë, por asnjëherë t’i ndajë dy shpirtra të përcaktuar të përfundojnë bashkë. Largësia, koha, vështirësitë dhe njerëzit e tjerë mund të jenë arsye të një ndarjeje të përkohshme midis një çifti, por lidhja midis tyre do të forcohet akoma më shumë dhe ata do të rikthehen sërish bashkë me një dashuri më të fortë se më parë…