Asociacioni për Arsim dhe Aftësimit Profesional do ta padisë asistentin e Arsim Bajramit

Asociacioni për Arsim Aftësimit Profesional të Republikës së Kosovë do të ngritë Kallëzim Penal ndaj “Asistentit” të Ministrit të Arsimit, Arsim Bajrami, bënë me dije Zyra për mardhënie me publikun e  Asociacionit për Mbështetjen e Arsimit dhe Aftësimit Profesionaltë Republikës së Kosovës, transmeton PodujevaPRESS.

 “Pas ndërmarrjes së veprimeve të parapara me statutin e Asociacionit, na është përgjigjur, pa autorizim, zyrtari me pozitë të ulët konkretësht:“Asistenti” teknik i Ministrit të Arsimit, ku  me fyerje të ulëta, ka bërë përpjekje që të parandaloj Asociacionin në zbatimin e kompetencave të saj”.

Njoftimi  i plot:

 Asociacioni për Arsim Aftësimit Profesional të Republikës së Kosovës, nesër me datë 10.02.2017, do të mbajë një konferencë për media në orën 13:00, para Prokurorisë Themelore në Prishtinë, ku do të ngritë Kallëzim Penal ndaj “Asistentit” të Ministrit të Arsimit, Arsim Bajrami.

Pas reagimit të Asociacionit për Arsim, ku për qëllim e kanë mbrojtjen e interesave të studentëve të cilët janë mashtruar nga shteti duke u regjistruar në fakultete publike, mirëpo këto fakultete nuk kanë qenë të akredituara, duke lënë kështu qindra dhe mijëra student me diploma të lëshuara po nga këto universitete shtetërore, por të cilat nuk kanë vlerë juridike pasi që i njejti shtet, respektivsht shteti i Kosovës, nuk i njeh këto diploma të cilat para pak kohe i ka lëshuar.

Pas ndërmarrjes së veprimeve të parapara me statutin e Asociacionit, na është përgjigjur, pa autorizim, zyrtari me pozitë të ulët konkretësht:“Asistenti” teknik i Ministrit të Arsimit, ku  me fyerje të ulëta, ka bërë përpjekje që të parandaloj Asociacionin në zbatimin e kompetencave të saj, ku për këtë arsye do të ngriti nesër në cilësin e Kryetarit të Asociacionit për Mbështetjen e Arsimit dhe Aftësimit Profesional të Republikës së Kosovës, Kallëzim Penal bazuar në nenin 198 paragrafi 1 dhe nenin 422 paragrafi 1 të Kodit Penal të Republikës së Kosovës.

Andaj i ftoj të gjitha mediat që nesër me datë 10.02.2017 të jenë prezent në ora 13:00, para Prokurorisë Themelore në Prishtinë, ku do të jap më shumë detaje rreth këtij kallëzimi penal dhe kësaj çështje me rëndësi publike.

Me Respekt

Shkelzim MURTEZI

Kryetar i Asociacionit për Mbështetjen e Arsimit dhe Aftësimit Profesional të Republikës së Kosovës