Asfaltohet rruga që lidh Sfeçlën me Surkishin

Kryetari i Komunës së Podujevës, Agim Veliu, ka inspektuar punimet në asfaltimin e rrugës që lidh fshatin Sfeçël me Surkishin, njofton PodujevaPRESS.com

Gjatë inspektimit të punimeve në asfaltimin e kësaj rruge, kryetari Veliu ka shkruar në profilin e tij në facebook se; “se rregullimi dhe ndërtimi i infrastrukturës rrugore, që ndihmon qarkullimin dhe përmirësimin e jetës së qytetarëve, vazhdon të mbetet prioritet në investimet kapitale”.

Veliu ka shkruar se kjo rrugë që lidh këto dy fshatra ka një gjatësi prej 600 metra, ndërsa në të ardhmen do të vazhdohet me asfaltimin e saj deri te rrethi te Hotel “Besiana”.