Asambleistja Zejnullahu: Pse nuk po asfaltohen rrugët në lagjen Kiçmari e Mehana në Lladoc?

Asambleistja nga radhët e PDK-së në Podujevë, Floretë Zejnullahu, gjatë mbajtjes së seancës kur po shqyrtohej Korniza Afatmesme Buxhetore (KAB) e Komunës së Podujevës për vitin 2019 – 2021, kërkojë nga ekzekutivi të dijë pse dy lagje në fshatin Lladoc po anashkalohen, njofton PodujevaPRESS.com

Floreta ka reaguar edhe në facebook për këtë çështje:

Në mbledhjen e tetë të Kuvendit Komunal që u mbajt sot, kërkova sqarim nga ekzekutivi në lidhje me buxhetin e parashikuar për projektet e vitit 2019 në të cilin përfshihej edhe një shumë për ndërtimin e rrugës në fshatin Lladoc.

Pyetja ime ishte se a janë përfshirë në këtë projekt rrugët që duhet të asfaltohen me urgjencë, siç janë; lagjja KIÇMARI dhe MEHANA e cila është totalisht e pakaluar dhe në të cilën jeton një familje me kushte të mjerueshme dhe me fëmijë me nevoja të veqanta për të cilin kalimi çdo ditë nëpër këtë rrugë është pothuajse i pamundur.

Mirëpo as këtë herë nuk mora përgjigje nga ekzekutivi.