Arrestohet një person në Podujevë për dhunë në familje dhe përdorim të armës

Policia e Kosovës ka arrestuar një person pasi të hënën pas një mosmarrëveshjeje në familje ka shtënë me armë zjarri në Podujevë.

Në vend të ngjarjes është gjetur dhe sekuestruar një pistoletë me 16 copë fishekë, një predhë dhe një gëzhojë.

I dyshuari është intervistuar dhe me vendim të prokurorit është dërguar në mbajtje.