Arrestohet një person në Podujevë, dyshohet se ngacmoi seksualisht tri vajza, prej tyre dy të mitura

Podujevë- Policia e Kosovës (PK) njofton se është arrestuar një person, nën dyshimin se ngacmoi sekualisht tri vajza, ku njërën prej tyre e sulmoi seksualisht ditë më parë.

Lajmi u bë i ditur përmes raportit 24 orësh të policisë, ku thuhet se më pas, dy të mitura i ngacmoi  ttë premten pasdite, raporton “Betimi për Drejtësi“.

“Është arrestuar i dyshuari mashkull  kosovar, nën dyshimin se ditë më parë e kishte sulmuar seksualisht një viktimë, ndërsa sot (15.07.2022) dyshohet që ka ngacmuar dy viktima femra kosovare të mitura”, thuhet në njoftim.

Bëhet e ditur se rasti është duke u hetuar nga njësitet relevante.

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.