Arrestohet një person në Podujevë, dyshohet për organizim të skemave piramidale

Një person është arrestuar në Podujevë nën dyshimet për organizimin e skemave piramidale.

Lidhur me rastin, policia në lokalin ku ka arrestuar dhe të dyshuarin, ka sekuestruar, një skaner, dy shtëpiza kompjuterike, letra për printim dhe para të gatshme.

I dyshuari është dërguar në mbajtje.

Njoftimi i policisë:

ORGANIZIMI I SKEMAVE PIRAMIDALE

Podujevë/24.02.2025-22:10. Është arrestuar i dyshuari mashkull kosovar lidhur me veprën e lartcekur dhe nga lokali i të njëjtit si prova janë sekuestruar: një skaner, dy shtëpiza kompjuterike, letra për printim dhe fletë dëshmi në formë të printuar për lojëra të fatit dhe para të gatshme. Pas intervistimit, me vendim të prokurorit kujdestar, i dyshuari është dërguar në mbajtje.