Vdes mamia llapjane Sanije Topanica, iu ndihmoi grave në lindje gjatë luftës
Arrestohen dy të dyshuar në Istog
Sot ka ndodhur një plaçkitje në filialin e një bankë në Istog, ku si pasojë në vendin ngjarjes ka mbetur i vrarë i dyshuari dhe është plagosur një pjesëtar i Policisë. Si pasojë e plagëve të marra, pjesëtari i policisë më vonë ka ndërruar jetë.
Lidhur me rastin e vrasjes që ka ndodhur në Istog, ku u vra polici Izet Demaj dhe grabitësi i dyshuar, Kamber Metaj, janë arrestuar dy persona.
Lajmin e ka konfirmuar për Gazetën Express zëdhënësi për informim në Prokurorinë Themelore të Pejës, Shkodran Nikçi.
“Ne orët e mbrëmjes janë arrestuar dy persona të dyshuar si të implikuar në grabitjen e ndodhur sot ne Istog. Te arrestuarit jane Y.M U.M, për të cilët prokurori kujdestar ka marr aktvendim për ndalim 48 orësh”, ka treguar ai.
Kurse Policia e Kosovës, rajoni i Pejës, në njoftimin që ka bërë për media ka treguar se grabitësi me vete kishte një granatë dore, një armë zjarri revole dhe një armë të tipi AK-47 me municion, shkruan gazetametro.net.
“Gjatë ekzaminimit të vendit të ngjarjes, në afërsi është gjetur një granatë dore, një armë zjarri revole dhe një armë AK-47 me municion, të cilat i ka poseduar i dyshuari”
Lexo më shumë në: https://www.gazetaexpress.com/lajme/vrasja-ne-istog-arrestohen-dy-te-dyshuar-610039/?utm_source=referral&utm_medium=web&utm_campaign=copyright
