ARKIVË: Zbulojeni deri në cilin vit qyteti i Podujevës kishte statusin e fshatit

Podujeva është vendbanimi më i madh dhe qendër administrative-komunale në rajonin e Llapit dhe shtrihet në verilindje të Republikës së Kosovës, transmeton PodujevaPRESS.com

Podujeva e kishte statusin e fshatit deri në vitin 1912, ndërsa nga prej këtij viti dalëngadalë filloi të zhvillohej si qytet. Bërthamën e parë të qytetit të Podujevës e formuan tri familje-lagje-mahallë të mdhaja.

Podujeva si vendbanim-fshat figuron në dokumentacionin arkivor që dëshmon se ishte fshat i cili bënte pjesë në radhët e fshatrave të vjetra të Krahinës së Llapit. Këtë e vërteton defteri Osman i vitit 1445.

Lexo po ashtu: Këto janë familjet që formuan bërthamën e parë të qytetit të Podujevës

Podujevën si fshat e ndeshim edhe në regjistrin Sumar të Sanxhakut të Vushtrrisë të vitit 1487, por edhe në defterin e vitit 1566-74 dhe në shumë dokumente arkivore. Po ashtu është evidentuar me emrin Podjeva edhe sallnamet e Vilajetit të Kosovës të vitit 1893-96. /PodujevaPRESS.com/.

Sqarim: Foto në këtë lajm është ilustrive.

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

(Redaksia e portalit informativ PodujevaPRESS ka përmbledhur pjesë të shkrimeve për jetën dhe të kaluarën e banorëve të Podujevës nga punime të ndryshme shkencore. Qëllimi i këtij shkrimi ishte të dalin në dritë informata dhe brezat e rinj llapjanë të din më shumë për banorët e kësaj treve, dhe të parët e tyre)