ARKIVË: Sa dini për Mavriqin e Llapit?!

Mavriqin sot e përbëjnë 5 fshatra: Pollata, Potoku ( që më parë është quajtur Përroni i Izlamit dhe se ky emër i fshatit është shumë i ri), Dvorishta, Sllatina dhe Reçica, njofton PodujevaPRESS.

Mavriqi karakterizohet me klimë të ashpër dhe mjaftë të ftohtë. Ujërat e shumta dhe kullosat e mira kanë mundësuar të zhvillohet blegtoria. Mavriqin bora e mbulon herët në vjeshtë dhe mbetet deri vonë në pranverë, transmeton PodujevaPRESS.

Mavriqi i Llapit shtrihet në veriperëndim të Podujevës në kilometrin e njëzet dhe vazhdon deri në kufi me komunën e Kushumlisë së Serbisë së sotme që i bie në anën lindore. Mavriqi shtrihet rrëzë bjeshkëve të Kopaonikut. Në jug kufizohet me Repën, në jugperëndim me  Sylevicën, me Brecën dhe me Tërrnavicen në veriperëndim.

Përmes Mavriqit nëpër të gjitha fshatrat e tij kalon përroi i Reçicës, i cili burimin e ka në Reçicë, por duke rënë përmes fshatrave i bashkon edhe shumë përrenjë dhe përroska uji, i cili më vonë quhet Lumi i Sllatinës. Ky lum derdhet në lumi Llap në fshatin Pollatë, që është edhe fundi i Mavriqit, ndërsa gryka e Mavriqit fillon nga Pollata e lartë deri në Reçicë.

Emri Mavriq ka proveniencë (origjinë të lashtë) bizantine nga gr. muros “i zi”, që ka emërtuar lumin, emërtim ky që paraqitet se pandan lab, “lum i bardhë”.

Mavriqi i llapit në baqzë të fakteve të gjetura gjatë gërmimit të një bunari në Dvorishtë, në thellësi prej 5-6 metra janë gjetur copa prej dheu, si tjegulla, copa tullash etj., mund të thuhet se është vendbanim shumë i lashtë, banorët e të cilit merreshin kryesisht me blegtori.

Të gjithë banorët e Mavriqit e ndjejnë vetën të afërm me njëri tjetrin dhe madje as nuk martohen mes veti, këta janë të të njëjtit fis-Sopjanë.

Në mbarë Mavriqin, kryesiht njiheshin në zë dy veta:Demë Ahmeti– nga një tragjedi që i kishte ndodhur dikund në vitet 1810 prej Novicës së Zi, si dhe Man Mavriqi-që sot janë pasardhës të tij Monollët e Pollatës.

Lexo po ashtu: A e dini se çfarë fisesh janë familjet Plakolli, Babatinca, Rudari, Zebica dhe Igrishta!

Parardhësi i Mavriqit ishte një Shabani, e Shabani ishte i Feratit, e Ferati ishte i Aliut, , ndërsa në bazë të toponimit Guri i Gjonit, ndoshta Aliu ishte i tij (i Gjonit), pra para se të islamizohej ajo pjesë. Mbasë tragjedisë së Demë Ahmetit, disa familje u e kishin lëshuar Mavriqin dhe qenë shpërngulur në fshatra të ndryshme të llapit e kryesisht rreth qytetit, ndërsa një pjesë edhe jashtë vendit, si ne Turqi.

Familje që thirren me mbiemrin Mavriqi ka edhë në Vushtrri, Pejë dhe Ulqin.

Mavriqin sot e përbëjnë 5 fshatra: Pollata, Potoku ( që më parë është quajtur Përroni i Izlamit dhe se ky emër i fshatit është shumë i ri), Dvorishta, Sllatina dhe Reçica.

Banorët e Mavriqit janë marr edhe me zeje. Ata kanë mbaruar lugë të drunjta, kaca për rezervimin e pemëve e perimeve për stinën e dimrit (turshi), që në Mavriq këto kaca quheshin  tinarë  dhe qeberra për turshi. Po ashtu, vetë i kanë maruar edhe qerret e drunjta e sidomos saja e disa gjëra të imëta, siç është veku, çikriku, boshti, shtiza etj.

Thuhet se Ahmeti baba i Demës dhe Manit, ishte i Shabanit. Po të një Shabani ishin edhe Aliu, Asllani, e Ahmeti pasardhësit e të cilit jetojnë ne Dvorishtë. Vëllezër të Dem Ahmetit ishin Hasan Ahmeti në Dvorishtë dhe Nezir Ahmeti ne Potokë.

Këto janë disa toponimet nëpër vende pjesë të ndryshme të Mavriqit: Ara e Manit, Lama e Ahmetit, Mullini i Ahmetit-Polatë, Lugu i Manit-Sllatinë, Prroni i Manit, Osoja e Manit, Kodra e Manit-Dvorishtë. Pastaj Dardhishtat, Livadhak, rrafshak, Muret, Lamtë, Mlojsat, Bregu i Thatë, Prroni i Kish’s, Kërrshi i Krypës, Arat e Rumeqiqit, Ara e Dems, Rrahija, Qafa, Rrafshi i Ar’s, Prroni i vogël i cungut t’Zi, Tuk osht vra Fejz Uglari etj.

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

(Redaksia e portalit informativ PodujevaPRESS ka përmbledhur pjesë të shkrimeve për jetën dhe të kaluarën e banorëve të Podujevës nga punime të ndryshme shkencore. Qëllimi i këtij shkrimi ishte të dalin në dritë informata dhe brezat e rinj llapjanë të din më shumë për banorët e kësaj treve, dhe ë parët e tyre)

© PodujevaPRESS. Të gjitha të drejtat janë të rezervuara