Arbnor Fazliu – Kandidat për Deputet në Kuvendin e Kosovës me numrin 104

Arbnor Fazliu, kandidat nga radhët e Aleancës për Ardhmërinë e Kosovës (AAK), është një emër i njohur për qytetarët e Podujevës. Me përvojën e tij profesionale dhe angazhimin e vazhdueshëm në shërbim të komunitetit, ai synon të sjellë një përfaqësim të denjë në Kuvendin e Kosovës.

Arbnori është Magjistër i Shkencave të Aplikuara Teknike, me fokus në Trafikun dhe Transportin. Ai është një profesionist i licencuar si instruktor për shoferë dhe ligjërues profesional për autoshkolla. Me dhjetëra studime në fushën e trafikut dhe përvojën e tij në hartimin e strategjive dhe planeve për politikat urbane dhe ndërurbane, Arbnori ka dhënë kontribut të rëndësishëm në zhvillimin e mobilitetit gjithandej Kosovës.

Aktualisht, ai është anëtar i zgjedhur i Kuvendit Komunal të Podujevës, ku shquhet për mbrojtjen e interesave të qytetarëve. Si një zë i fuqishëm në asamble, Arbnori ka punuar veçanërisht në çështjet që lidhen me planifikimin urban dhe mobilitetin, duke u angazhuar në komitete të rëndësishme që formësojnë politikat lokale.

Arbnor Fazliu vjen nga fshati Dumnicë, një familje me traditë të dëshmuar për përkushtim dhe integritet në shërbim të vendit. Me këtë trashëgimi dhe përvojë, ai garon me numrin 104 për të përfaqësuar qytetarët në nivelin më të lartë institucional dhe për të kontribuar në zhvillimin e mëtejshëm të Kosovës.

Mbështetja për Arbnor Fazliun është mbështetje për profesionalizmin, integritetin dhe vizionin për një të ardhme më të mirë për vendin.