Apeli: Prokuroria nuk vërtetoi se Agim Bahtiri ka kryer vepër penale

Kryetari i Komunës së Mitrovicës, Agim Bahtiri, nuk do të ndiqet më tej penalisht. Gjykata e Apelit e ka hedhur poshtë aktakuzën kundër tij dhe dy personave të tjerë.

Shkalla e dytë ka vlerësuar se prokuroria nuk ka arritur të sigurojë prova, të cilat do të vërtetonin dyshimin e bazuar se të akuzuarit kanë kryer veprat penale, me të cilat janë ngarkuar, shkruan sot Koha Ditore.

Në mars të vitit të kaluar, Prokuroria Speciale e Kosovës pati ngritur aktakuzë ndaj Bahtirit dhe ndaj shefit të Prokurimit në komunë, Haxhimet Ferati. I pati akuzuar për keqpërdorim të detyrës zyrtare.